Unicode Version
ယေရမိအနာဂတ္တိကျမ်း ၂၉:၁၃
"ငါ့ကိုရှာသောအခါ စိတ်နှလုံးအကြွင်းမဲ့နှင့် ရှာလျှင် တွေ့ကြလိမ့်မည်။"
တစ်စုံတစ်ယောက်ဆီ သင်၏အလေးထားဂရုစိုက်မှုကို ပေးခြင်းက အကောင်းဆုံးသော လက်ဆောင်ဖြစ်ပါတယ်။ ဘာကြောင့်လဲဆိုတော့ သင်၏အချိန်သည် သင်၏အသက်သာဖြစ်ပါတယ်။
သင်၏မျက်နှာကို တစ်စုံတစ်ယောက်ထံ လှည့်ပြီး သူ့ထံသို့ သင်၏မျက်လုံးတို့ကို ထားရှိတဲ့အခါ သူတို့ပြောဆိုမည့်အရာပေါ် သင် စိတ်ဝင်စားကြောင်းနှင့် သင်၏ စစ်မှန်သော သဘောထားကို သူတို့အားခံစားရရှိစေပါတယ်။
ထိုနည်း၎င်းပင် ဘုရားသခင်ထံ သင်ပြုနိုင်ပါတယ်။ သင်၏ဆုတောင်းခြင်းအရာတွင် ဘုရားသခင်ထံ မျက်နှာမူလိုက်ပါ။ အထက်ကိုကြည့်ပါ။ သင်စကားပြောဖို့ အဆင်သင့်ဖြစ်ကြောင်း ဖော်ပြပါ။ သမ္မာကျမ်းစာတွင် မျက်လုံးတို့ကိုမှိတ်ခြင်း (သို့) ဦးခေါင်းညွတ်ရခြင်း အကြောင်းကို မဖော်ပြထားသည့်တိုင် ထိုအရာတို့သည် ကောင်းသော အပြုအမူဖြစ်ပါတယ်။ ကျွန်တော်၏မျက်လုံးများကို မှိတ်ပြီးစဉ်းစားတဲ့ အချိန်အခါတွင် အိပ်ပျော်သွားစေပါတယ်။ ဘုရားထံတော် မျှော်ကြည့်ပြီး ကျယ်သောအသံဖြင့် ကျွန်တော် ဝတ်ပြုဆုတောင်းခြင်းကို နှစ်သက်ပါတယ်။ ဘာကြောင့်လဲဆိုတော့ ၎င်းသည် ကျွန်တော်၏အလေးထားမှုကို ပြန်လည်အာရုံစိုက်နေတယ်ဆိုတာကို သတိပေးသောကြောင့် ဖြစ်ပါတယ်။
ဘုရားသခင်ထံမှ အကူအညီနှင့် ဉာဏ်အမြော်အမြင်ကို လိုအပ်ချိန်တွင် ဒံယေလ ထိုကဲ့သို့ပြုခဲ့ပါတယ်။
ဒံယေလအနာဂတ္တိကျမ်း ၉:၃
"အစာကိုရှောင်လျက်၊ လျှော်တေအဝတ်ကို ဝတ်လျက်၊ ပြာနှင့် လူးလျက်၊ အရှင်ဘုရားသခင့်ထံတော်သို့ ချဉ်းကပ်၍ ဆုတောင်းပတ္ထနာ ပြု၏။"
နှုတ်ကပတ်တော်မှတဆင့် ဘုရားသခင်ကို သင်နားထောင်ပြီး နောက်တွင် ဒုတိယခြေလှမ်းဖြစ်တဲ့ဆုတောင်းခြင်းမှတဆင့် ဘုရားသခင်ကို ရှာဖွေခြင်းဖြစ်ပါတယ်။
ဘုရားကိုရှာသောသူတွေအတွက် သမ္မာကျမ်းစာတွင် များစွာသော ကတိတော်တို့ကို ပြုထားပါတယ်။
အာမုတ်အနာဂတ္တိကျမ်း ၅:၄
"ထာဝရဘုရားသည် ဣသရေလအမျိုးအား မိန့်တော်မူသည်ကား၊ ငါ့ကို ရှာကြလော့။ ရှာလျှင် အသက်ချမ်းသာရကြလိမ့်မည်။"
ဘုရားသခင်ကို အစဉ်မပျက်ရှာဖွေသည့်အလျာက် မည်ကဲ့သို့ စစ်မှန်စွာ အသက်ရှင်ရမည်ကို သင့်အားစတင်လေ့လာမှု ပြုစေပါလိမ့်မည်။
သုတ္တံကျမ်း ၈:၁၇
"ငါ့ကိုချစ်သော သူတို့ကို ငါချစ်၏။ ငါ့ကိုကြိုးစား၍ ရှာသောသူတို့သည် တွေ့တတ်ကြ၏။"
ဘုရားသခင်ကို ရှာဖွေခြင်းအရာ၌ သင်ခက်ခဲနေပါငလား။ တစုံတခုကို ဘုရားသခင်ထံမှ ရရှိချင်ရုံလေးမဟုတ်ဘဲ သူ့အား သိကျွမ်းလိုခြင်း စသော စစ်မှန်သောအကြောင်းရင်းဖြင့် ရှာဖွေကြောင်း သေချာစေပါ။
ယေရမိအနာဂတ္တိကျမ်း ၂၉:၁၃
"ငါ့ကိုရှာသောအခါ စိတ်နှလုံးအကြွင်းမဲ့နှင့် ရှာလျှင် တွေ့ကြလိမ့်မည်။"
ဘုရားသခင်ကို သင်အမှန်တကယ် သိကျွမ်းလိုတဲ့အခါမှာ သင်၏အာရုံပြုချိန်တွင်သာမဟုတ်ဘဲ ဘုရားသခင်ကို ရှာဖွေတွေ့ရှိ ပါလိမ့်မယ်။
ဟေဗြဲဩဝါဒစာ ၁၁:၆
"ယုံကြည်ခြင်းမရှိလျှင်၊ ဘုရားသခင်၏ စိတ်တော်
နှင့်မတွေ့နိုင်။ အကြောင်းမူကား၊ ဘုရားသခင့် အထံတော်သို့ ချဉ်းကပ်သောသူသည်၊ ဘုရားသခင် ရှိတော်မူသည်ကိုလည်းကောင်း၊ ကိုယ်တော်ကို ရှာသောသူအား အကျိုးပေးတော်မူသည်ကိုလည်းကောင်း၊ ယုံကြည်ရမည်။"
သင်၏ဘဏ္ဍာရေး ၊ပေါင်းသင်းဆက်ဆံရေးနှင့် အနာဂတ်အတွက် ဘုရားသခင်၏ ချီးမြှင့်မှုကို အလို ရှိပါသလား။ သူ့အားရှာဖွေလိုက်ပါ။
ရှင်လုကာခရစ်ဝင် ၁၂:၃၁
"သင်တို့မူကား ဘုရားသခင်၏ နိုင်ငံတော်ကို ရှာကြလော့။ နောက်မှ ထိုအရာများကို ထပ်၍ ပေးတော်မူလတ္တံ့။"
ဘုရားသခင်ကို ဦးစားပေးရှာဖွေပြီး နောက်တော်သို့လိုက်သောသူအဖြစ် ရှိပါလျှင် ကမ္ဘာလောကကြီးကပြောနေတဲ့ စိတ်ဖိစီးစရာတွေနဲ့ပတ်သက်ပြီး သင်စိုးရိမ်စရာ မလိုတော့ပါ။ သင်၏အလေးထားမှုကို ဘုရားသခင်ထံပေးပါ။ ဘုရားသခင်ထံ မျက်နှာမူပြီး သင့်အသက်တာ၏ ပထမနေရာကို ပေးလိုကြောင်း ဖော်ပြလိုက်ပါ။
ဆင်ခြင်ရန်
- သင့်အတွက် လာမည့်နှစ်သည် ပြီးပြည့်စုံသောနှစ်အဖြစ် မြင်ရဖို့ရန် ကြံစည်မည်ဆိုလျှင်သော်လည်းကောင်း ၊ အသက်တာတွင် ပြောင်းလဲမှုအကုန်လုံး ဖြစ်လာဖို့ သင်အလိုရှိလျှင် သော်လည်းကောင်း ထိုအရာတွေက မည်ကဲ့သို့သော ပုံစံဖြစ်မည်ကို သင်ထင်မြင်ပါသနည်း။
- ဘုရားသခင်ပေါ် အာရုံထားခြင်းက သင်၏အိမ်မက် ပန်းတိုင်နှင့် အကြံအစည်တွေအတွက် မည်ကဲ့သို့သော မှန်ကန်သောရှုထောင့်အမြင်ကိုပေးပါသနည်း။
- သူအားရှာဖွေဖို့ရန် ဘုရားသခင်အလိုရှိခြင်းက ဘာကြောင့်လိုသင်ထင်မြင်ပါသနည်း။