Unicode Version
ရောမဩဝါဒစာ ၈:၂
"ယေရှုခရစ်၌တည်၍ အသက်ရှင်စေသော ဝိညာဉ်တော်၏တရားသည် အပြစ်တရား၏ လက်မှလည်းကောင်း၊ သေခြင်းတရား၏လက်မှလည်းကောင်း၊ ငါ့ကိုကယ်လွှတ်ပြီ။"
အပြစ်တရားကို ထပ်တလဲလဲလုပ်ဖို့ရန် ကျနော်တို့ တစ်ယောက်မျှ ခံနိုင်ရည် မရှိပါဘူး။ တချို့လူတွေက အမျက်ဒေါသဖြင့် ရုန်းကန်နေရချိန်မှာ တချို့မှာ စိုးရိမ်ခြင်း (သို့) အတင်းပြောခြင်း (သို့ ) တပ်မက်ခြင်းတွေနဲ့ နပန်းလုံးနေကြပါတယ်။ အပြစ် ဆက်တိုက်ပြုခြင်းကနေ မည်ကဲ့သို့ သင်လွတ်မြောက်မည်နည်း။
သင့်အတွက်သခင်ယေရှု လုပ်ဆောင်ခဲ့ပြီးတဲ့အရာကို သင်နားလည်ပါတယ်။ ကားတိုင်ထက်မှာ သင့်အပြစ်၏အဖိုးအခကို ပေးဆပ်ခဲ့တဲ့အတွက်ကြောင့် ၎င်းအပြစ်တွေအတွက် သင်ပေးဆပ်ဖို့ မလိုအပ်တော့ပါ။ သင်းဝန်မခံသေးသောအပြစ်အပါအဝင် သင့်အပြစ်အားလုံး တို့ကို ကားတိုင်ထက်တွင် ပေးဆပ်ခဲ့ပြီးဖြစ်ပါတယ်။
သို့ပေမယ့် သင်၏အပြစ်အတွက်သာ သခင်ယေရှု ဆပ်ခဲ့တာမဟုတ်ပါ။ သင့်အသက်တာရှိ အပြစ်တန်ခိုးကို ချိုးဖျက်ဖို့ရန်ပါ သူပေးဆပ်ခဲ့ပြီးဖြစ်ပါတယ်။ ယခုတွင် သင်၌အရင်က မရှိခဲ့ဘူးသော အပြစ်ကို ငြင်းဆန်သောတန်ခိုးကို သင်ပိုင်ဆိုင်ပါပြီ။ ၎င်းသည် စိတ်ဆန္ဒတန်ခိုးထက် များစွာပိုသော သန့်ရှင်းသောဝိညာဉ်တော် ဖြစ်ပါတယ်။
ရောမဩဝါဒစာ ၈:၂ တွင် သမ္မာကျမ်းစာက ဆိုထားသည်မှာ "ယေရှုခရစ်၌တည်၍ အသက်ရှင်စေသော ဝိညာဉ်တော်၏တရားသည် အပြစ်တရား၏ လက်မှလည်းကောင်း၊ သေခြင်းတရား၏လက်မှလည်းကောင်း၊ ငါ့ကိုကယ်လွှတ်ပြီ။"
သင်ကခရစ်ယာန်တစ်ဦးဖြစ်ပါလျှင် အပြစ်အတွက် သခင်ယေရှု အသေခံပြီး ပေးဆပ်ခဲ့တာကို သင်သိပါတယ်။ ၎င်းသည် သတင်းကောင်းဖြစ်ပြီး အကယ်၍ နေရာတိုင်းရောက်ရှိမည်ဆိုလျှင် ကမ္ဘာတွင် အကောင်းဆုံး သတင်းကောင်း ဖြစ်နေပါမည်။ သို့ပေမယ့် သခင်ယေရှု ကားတိုင်ထက် အသေခံစဉ်မှာ ကျွန်ုပ်တို့၏အပြစ်ဟောင်း စိတ်သဘောကို ယူဆောင်သွားခဲ့ပြီး အသစ်သောစိတ်သဘောကား အပြစ်ထပ်ခါထပ်ခါလုပ်ဆောင်ခြင်းအသက်တာမှာ ရှင်သန်စရာမလိုတော့ပေ။
ရောမဩဝါဒစာ ၆:၆
"ထိုမှတစ်ပါး၊ ငါတို့၏လူဟောင်းသည် ထိုသခင်နှင့်အတူ လက်ဝါးကပ်တိုင်မှာ အသေသတ်ခြင်းကိုခံပြီဟု ငါတို့သိကြ၏။ အကြောင်းမူကား၊ ငါတို့သည် နောက်မှ အပြစ်တရား၏အစေကို မခံစေခြင်းငှာ၊ အပြစ်တရား၏ကိုယ်ကို ဖျက်ဆီးမည်အကြောင်းတည်း။"
အပြစ်မရှိတော့ခြင်းတွင် သင့်အသက်တာအတွက် တန်ခိုးတစ်စုံတရာ ပိုင်ဆိုင်ပါသည်။ သေနေသောခန္ဓာကိုယ်ကို အပြစ်သွေးဆောင်လို့မရပါ။ ၎င်းဟောင်းသောစိတ်သဘောကို အပြစ်မသွေးအောင်နိုင်တော့ခြင်းသည် သခင်ယေရှုနဲ့အတူ သေခဲ့ခြင်းကြောင့် ဖြစ်ပါတယ်။ သခင်ယေရှု၌ ရှိသော အသစ်သောအသက်တာကို သင်ဝေဌခံရပြီး ဖြစ်တဲ့အတွက် သင်ယုံကြည်စိတ်ချနိုင်ပါပြီ။
သင့်အသက်တာရှိ အပြစ်၏တန်ခိုးကို ချေဖျက်ဖို့ရန် သင်၏စိတ်စွမ်းအားတွေက ဘယ်တော့မှမလုံလောက်ပါ။ သို့ပေမယ့် သခင်ယေရှုကို ကျေးဇူးတင်ပါ။ သန့်ရှင်းသောဝိညာဉ်တော်၌ရှိသော တန်ခိုးဖြင့် သွေး
ဆောင်မူများကို တွန်းလှန်ရန်၊ အပြစ်နှင့်သေခြင်း၏ဆိုးကျိုးများကို ချေဖျက်ရန် လုံလောက်သောတန်ခိုး သင်၌ရှိပါသည်။
ဆင်ခြင်ရန်
- သင်သည်ခရစ်ယာန်တဦး ဖြစ်လာပြီးနောက်ပိုင်းမှာ ပင်လျှင် မည်သို့သောအပြစ်ကို ထပ်ခါထပ်ခါ လုပ်ဆောင်ခြင်းအား ဆက်လက်တည်ရှိနေပါသနည်း
- သွေးဆောင်မှုကိုရင်ဆိုင်ရသောအခါ သန့်ရှင်းသော ဝိညာဉ်တော်၏ တန်ခိုးကို သင်မည်သို့ ရရှိနိုင်သနည်း။
- ကျွန်ုပ်တို့၏ဇာတိပကတိဟောင်းသည် သခင်ယေရှုနှင့်အတူ လက်ဝါးကားတိုင်တွင် အသေခံထားရသော်လည်း ကျွန်ုပ်တို့က မည်သို့သောနည်းလမ်းဖြင့်"အပြစ်တရား၏ကျွန်" အဖြစ် အသက်ရှင်နေကြပါသနည်း။