သင်မျှော်လင့်ချက်ကင်းမဲ့တယ်လို့ ခံစားရတဲ့အခါ စတင်ဆုတောင်းပါ။ | When You Feel Hopeless, Start with Prayer
သင်မျှော်လင့်ချက်ကင်းမဲ့တယ်လို့ ခံစားရတဲ့အခါ စတင်ဆုတောင်းပါ။
ယေနဝတ္တု ၂:၁ “ငါး၏ဝမ်းထဲမှာနေစဉ်တွင်၊ ယောနသည် မိမိဘုရားသခင် ထာဝရဘုရားကို
ဆုတောင်း သောစကားဟူမူကား၊ ငါသည် ဒုက္ခဆင်းရဲကို ခံရသောကြောင့်၊ ထာဝရ ဘုရားကို
ဟစ်ခေါ်၍ ငါ့စကားကို ကြား တော်မူ၏။ မရဏာနိုင်ငံ၏ဝမ်းထဲက ဟစ်ခေါ်သော စကားသံကို နား ထောင်တော်မူ၏။”
အသက်တာအားဖြင့် ဝါးမျိုခြင်းမျိုး သင်ခံစားခဲ့ရဖူးပါသလား။ စိတ်ဓါတ်ကျခြင်း ၊ မကျေမချမ်းဖြစ်ခြင်း ၊ စိုးရိမ်ခြင်း (သို့) မိမိကိုယ်ကို အပြစ်ရှိခြင်း စတဲ့အရာတွေအားဖြင့်လည်ကောင်း ၊ မျှော်လင့်ချက်ကင်းမဲ့ခြင်း ခံစားမှုများဖြင့် သင်ဝန်းရံခံနေရနိုင်သည်။
၎င်းပုံစံမျိုးယခု သင်ခံစားမနေရဘူးလို့ ကျွန်ုပ်မျှော်လင့်ပေမဲ့ သင်၌ တစ်စုံတစ်ရာခံစားမှုကတော့ ရှိပါလိမ့်မည်။ သင်ချစ်ရသောသူ ၊ အလုပ် (သို့) ကျန်းမာရေးကို ဆုံးရှုံးရခြင်း တွေ ဖြစ်ကောင်းဖြစ်မည်။
မျှော်လင့်ချက်မဲ့တဲ့
အခြေအနေကို သင်ရင်ဆိုင်တွေ့ကြုံရတဲ့အချိန်မှာ ယောန မည်ကဲ့သို့ ပြုခဲ့သည်ကို
သင်စဉ်းစားကြည့်ပါ။
ယောနသည် သူ၏အသက်တာရှိ ဘုရားသခင်ပေးသောတာဝန်ကနေ ထွက်ပြေးခဲ့ပြီးနောက်တွင် သူ့အား မျိုဖို့ရန် ငါးကြီးတစ်ကောင်းကို ဘုရားသခင် ပြင်ဆင်ခဲ့ပါတယ်။ ၎င်းငါးကြီးကို ပါဝင်စေတဲ့အခါမှာ ယောနသည် ဘုရားသခင်ထံ မျှော်ကြည့်ပါတော့သည်။
တကယ်တော့ ယောနဝတ္တု၏ ဒုတိယအခန်းကြီးတစ်ခုလုံးသည် ပင်လယ်ထဲ နှစ်မြှုပ်ကာ ငါးကြီးဝမ်းဗိုက်ထဲတွင် ရောက်ရှိချိန်တွင် ယောန ဆုတောင်းနေကြောင်းကိုဖော်ပြထားပါတယ်။ ၎င်းသည် စိတ်ဖိစီးမှု ခံစားရချိန်တွေမှာ ဘုရားသခင်ကို မျှော်ကြည့်ရန်လိုအပ်ကြောင်းကို ကျွန်ုပ်တို့အား ပေးသော သင်ခန်းစာဖြစ်ပါတယ်။
ပထမပိုင်းကျမ်းပိုဒ်တွင် ယောန ဘုရားသခင်ထံ ပြန်လှည့်ကြောင်းကို သင်တွေ့မြင်ပါလိမ့်မည်။ ယေနဝတ္တု ၂:၁ “ငါး၏ဝမ်းထဲမှာနေစဉ်တွင်၊ ယောနသည် မိမိဘုရားသခင် ထာဝရဘုရားကို ဆုတောင်း သောစကားဟူမူကား၊ …”
ဘုရားသခင်ထံ
မမျှော်ကြည့်သရွေ့ အသက်တာရှိ ပြသနာတို့သည် ဘယ်တော့မှာ ပျောက်ကွယ်သွားမှာ မဟုတ်ပါ။ မာကု
အခန်းကြီး ၉ တွင် သခင်ခရစ်တော်တို့၏ တပည့်တော်တို့သည် တစ်စုံတစ်ယောက်ထဲမှ နတ်ဆိုးအား
နှင်ဖို့ရန် ကြိုးစားခဲ့ကြပေမဲ့ သူတို့ မနှင်နိုင်ခဲ့ပါ။ သခင်ခရစ်တော်အား ဘာကြောင့်လဲလို့
မေးမြန်းခဲ့ပါတယ်။
သခင်ခရစ်တောက ရှင်မာကုခရစ်ဝင် ၉:၂၉ “ကိုယ်တော်က၊ ဆုတောင်းခြင်း၊ အစာရှောင်ခြင်းမှတပါး
အဘယ်သို့ သောအားဖြင့် ထိုနတ်မျိုးသည် မထွက်နိုင်ဟု မိန့်တော်မူ၏။”
တစ်ချို့သော ပြသနာတွေက နက်ရှိုင်းစွာ အမြစ်တွယ်နေခြင်းကြောင့် အဆက်မပြတ်ဆုတောင်းခြင်းကသာ ၎င်းတို့ကို ဖြေရှင်းနိုင်ပါလိမ့်မည်။ တစ်ကြိမ်သာ ဆုတောင်းခြင်းမဟုတ်ပါ။ တစ်ကြိမ်သာ ဆုတောင်းသောအရာ သည် သင်အမှန်တကယ် ဂရုမစိုက်အလေးမထားသောအရာ ဖြစ်ပါတယ်။ သင့်အသက်တာတွင် တစ်စုံတစ်ခုကို အမှန်တကယ် တွေ့မြင်ချင်တယ်ဆိုလျှင် ထပ်ခါထပ်ခါ သင်ဆုတောင်းပါလိမ့်မည်။
ဘုရားသခင်သည်လည်း သင်အမှန်တကယ်ပင် နက်ရှိုင်းမှုဖြင့် ဆုတောင်းနေသလားဆိုတာကို မြင်ချင်ပါသည်။ သင်၏ဆုတောင်းတွေကို အဖြေပေးခြင်းထက် သင်၏ယုံကြည်မှုကို တည်ဆောက်ခြင်းအရာအား ဘုရားသခင် ပိုပြီး စိတ်ဝင်စားပါတယ်။
ယနေ့တွင် သင်မျှော်လင့်ချက် ကင်းမဲ့တယ်လို့ ခံစားနေရပါလျှင် ဘုရားသခင်ထံ မျှော်ကြည့်ပြီး ဆုတောင်းနေပါ။ ဘယ်တော့မှ အရှုံးမပေးပါနှင့်။
ဆင်ခြင်ရန်
-
မျှော်လင့်ချက် ကင်းမဲ့တဲ့အခါမှာ ဆုတောင်းခြင်းကို ကျွန်ုပ်တို့၏ နောက်ဆုံး အားကိုးရာအဖြစ်
ဘာကြောင့် မကြာခဏ မှတ်ယူကြပါသနည်း။
-
သင်၏ အသက်တာတွင် မည်သို့သောအရာကို စိတ်အားထက်သန်စွာ ဆုတောင်းခဲ့ပါသနည်း။
-
သင်မျှော်လင့်ချက်ကင်းမဲ့တဲ့အခါမှာ သင်၏အသက်တာအတွက် ဆုတောင်းခြင်းလိုအပ်နေမှုတွေ ရှိပါသလား။
၎င်းနှင့် ပတ်သက်ပြီး အမြဲတမ်းဆုတောင်းပေးဖို့ ဘယ်သူ့ကို သင်တောင်းဆိုနိုင်ပါသနည်း။