သင်၏ အတွေးအခေါ်အယူအဆတွေက ဘုရားသခင်၏နှုတ်ကပတ်တော်တို့နှင့် ကိုက်ညီမှုရှိပါသလား။ | Is Your Idea in Harmony with God’s Word
သင်၏ အတွေးအခေါ်အယူအဆတွေက ဘုရားသခင်၏ နှုတ်ကပတ်တော်တို့နှင့်
ကိုက်ညီမှုရှိပါသလား။
ရှင်လုကာခရစ်ဝင် ၂၁:၃၃
“ကောင်းကင်နှင့်မြေကြီး မတည်သော်လည်း ငါ့စကား တည်လိမ့်မည်။”
ကျွန်ုပ်တို့ဆီက လာသော အတွေးအခေါ် အယူအဆတစ်ခုခုတို့သည် ဘုရားသခင်ထံမှ လာသော လမ်းညွှန်မှု ဖြစ်သလား ၊ စာတန်၏ လှည့်ဖြားမှု များလား (သို့) ကျွန်ုပ်တို့ လုပ်ချင်သော တစ်စုံတစ်ခု ဖြစ်သလားဆိုပြီး ကြိမ်ဖန်များစွာ သိချင်ကြပါတယ်။ ခြားနားချက်ကို အသိအမှတ်ပြုနိုင်ဖို့ရန် ၊ ဘုရားသခင်ထံမှ အသံကို ပိုင်းခြားသိမြင်ဖို့ရန် အင်မတန် အရေးကြီးပါတယ်။ ဘာကြောင့်လဲဆိုတော့ ၎င်းသည် နိစ္စထာဝရ အကျိုးဆက် တွေကြောင့် ဖြစ်ပါတယ်။
တကယ်တော့ “ကျွန်ုပ်ကို ဤအရာလုပ်ဖို့ ဘုရားပြောခဲ့တယ်” လို့လူတွေ ဆိုတဲ့အခါမှာ တစ်ခါတစ်ရံ ဘုရားကို အပြစ်တင်စေဖို့ရန် မကောင်းမှုတွေ ဖြစ်တတ်ပါတယ်။ သမ္မာကျမ်းစာက ဖော်ပြထားသည်မှာ ရှင်ယောဟန်ဩဝါဒစာ ပဌမစောင် ၄:၁ “ချစ်သူတို့၊ ခပ်သိမ်းသောစိတ်ဝိညာဉ်တို့ကို မယုံကြနှင့်။ စိတ်ဝိညာဉ် တို့သည် ဘုရားသခင်နှင့် စပ်ဆိုင်သည် မစပ်ဆိုင်သည်ကိုစုံစမ်းကြလော့။ အကြောင်းမူကား၊ မိစ္ဆာပရောဖက် အများတို့သည် ဤလောကသို့ သွားကြပြီ။ ”
ဘုရားသခင်သည် သူ၏နှုတ်ကပတ်တော်တို့ကို ဘယ်တော့မှ မကွဲလွဲစေပါ။ ပြောဆိုပြီးသား အရာတစ်ခုကို စိတ်ပြောင်းပြီး နောက်တစ်မျိုး ပြောဆိုမည်မဟုတ်ပါ။ ဘုရားသခင် ပြောထားသောအရာတွေသည် အစဉ်အမြဲ မှန်ကန်ပါသည်။
ဘုရားသခင်သည် မပြောင်းလဲဘဲ မသတ်မတ်တည်း ဖြစ်၏။ စိတ်ပြောင်းလဲ လွယ်သူမဟုတ်ပါ။ ပေးထားပြီးသား သူ၏ နှုတ်ကပတ်တော်တို့ရှိ နိယာမတို့ကိုလည်း ချိုးဖောက်ဖို့ရန် ဘယ်တော့မှ ပြောမည်မဟုတ်ပါ။
ဒါကြောင့် သင်ပထမဉီးမေးရမည့် အရာက “ ဤအတွေးတွေက ဘုရားသခင်ပြောထားတဲ့အရာတွေနဲ့
ကိုက်ညီမှု ရှိပါသလား”။ သင်၏ စိတ်ထဲတွင် ရှိသောအရာသည် ဘုရားသခင်၏ နှုတ်ကပတ်တော်၌ ဖော်ပြသောအရာ
တစ်ခုခုနှင့် ဆန့်ကျင်နေပါက ၎င်းသည် မှားယွင်းကြောင်း သင်သိရှိပါမည်။
ရှင်လုကာခရစ်ဝင် ၂၁:၃၃ “ကောင်းကင်နှင့်မြေကြီး မတည်သော်လည်း ငါ့စကား တည်လိမ့်မည်။ ” ဘုရားသခင်၏ နှုတ်ကပတ်သည် နိစ္စထာဝရ တည်၏။ ဘာကြောင့်လဲဆိုတော့ သမ္မာတရားသည် ဘယ်တော့မှ မပြောင်းလဲပါ။ လွန်ခဲ့တဲ့ နှစ်ပေါင်း ၅၀၀၀ ကတည်းက တစ်စုံတစ်ခုသည် မှန်ကန်ခဲ့ပါလျှင် ၎င်းသည် လွန်ခဲ့သော နှစ် ၁၀၀၀ တည်းက မှန်ခဲ့သောကြောင့်ဖြစ်သည်။ ယနေ့တွင်လည်း မှန်ကန်ပြီး နောင်လာမည့်နှစ်ပေါင်း ၅၀၀၀ တွင်လည်း မှန်ကန်ပါမည်။
လူတွေက “ ၎င်းကို ဘုရားပြောတာ ၊ အဲဒီအရာ ဖြစ်လာမယ်လို့ ငါယုံကြည်တယ်” လို့ပြောကောင်းပြောပါမည်။ မဟုတ်ပါ။ ဘုရားပြောပြီးအရာကို ဘုရားဖြစ်ပွားစေပါတယ်။
သင့်ကိုယ်သင် အမြဲမေးပါ။ “ကျွန်ုပ်၏ အတွေးအခေါ်တွေက ဘုရားသခင်၏ နှုတ်ကပတ်တော်နှင့် ကိုက်ညီပါ ရဲ့လား”။
ဆင်ခြင်ရန်
-
သင်စဉ်းစားနေသော တွေးခေါ်မှု တစ်ချို့ကား မည်သို့နည်း။ ၎င်းတို့က ဘုရားသခင်၏ နှုတ်ကပတ်တော်နှင့်
မည်ကဲ့သို့ ကိုက်ညီပါသနည်း။
-ဘုရားသခင်၏
လမ်းညွှန်မှုတို့ကို သိမြင်ပြီး ပိုပြီး လွယ်ကူစွာ နားလည်ဖို့ရန် ဘုရားသခင်နှင့် ပိုမိုနက်ရှိုင်းသော
အသက်တာ လျှောက်လှမ်းမှု ကိုမည်ကဲ့သို့ တိုးတက်စေနိုင်ပါသနည်း။